Laatste Nieuws


Jeugdprins CV de Sjlaaibök Kyano I 2019

11 februari 2019

 

alt

 

 

 

 

 

 

 

 

 

Kyano I is iid van RKASV en speelt in de JO12-1.

 

 

Peersjberiech

 

van ‘t Gruutsj Jeugprinsepaar 2019

 

van C.V. de Sjlaaibök-Amie

 

Op zoondag 10 fibberwarie 2019 woort in Gemeinsjapshoes d’n Amyerhoof oetgerope tot:

 

61ste Jeugprinsepaar van C.V. de Sjlaaibök

Prins Kyano d’n Iersjte en Prinses Evi

In ‘t jaor 2019 heit C.V. de Sjlaaibök de ier uuch ’t Jeugprinsepaar veur te maoge sjtèlle.

Prins Kyano d’n Iersjte is de zoon van Diana en Bart Vlaspoel en woent aan de Iepenhoven 13.

Prins Kyano is iemes dèh ein hiele groete passie heit: namelek voetbal. Heer is zoe knatsjgek van

voetbal dat ste häöm dreij kier per week op ’t veld aantröfs beej RKASV. Heer zouw ouch waal ‘ne

kier de aaftrap welle doen beej Barcelona of Real Madrid. Es Kyano thoes nog tied heit sjpeilt heer

Fortnite es twiede passie. Es ’t gans duuster is, geit heer met ziene pap nachvösje. Neet dat ste dan

gein oug touw deis. Nei, zie goon gewoen sjlaope en es de vösj bit, geit ’n belke aaf…. zie sjtoon dan

gaw op en hole häöm op ’t druge.

 

Prinses Evi is de dochter van Anja en Ronald Debie en woent aan de Karposthegge 32.

Ze keump ouch tied tekort. Ze sjpeilt de dwarsjfluit in ’t Jeugorkes van de Herremenie St. Walburga.

Zie is erg sjportief; want es fanatiek wedstrijdteamdanseres beej On Beats and Bars geit zie vol

daoveur. Ouch verkint zie geire de Amiërheij en deit zie geire scoutingspelle es lid van Scouting Amie.

De ove en kooksjtèl höbbe ouch haos gein geheime mie veur häör.

Oos Jeugprinsepaar hèlt ouch van bieste: namelek de 2 cavia’s Saartje en Messi van de Prins en ‘ne

bak vol mèt sjattige vösjkes van de Prinses.

 

Prins Kyano I en Prinses Evi zitte alle twie in groep 7 van ‘t Kindcentrum Amie.

Zie goon uuch veur mèt hunne lach, oetsjtraling, sjportieve geis en sjpontaniteit en bouwe same aan

de Amiese Karneval van 2019 es 61e Jeugprinsepaar. De luij van Amie zien gewaarsjouwd; want ’t

Prinsepaar 2019 van de Jeugkarneval zien twie kanjers die neet sjtèl kinne zitte.

Zie goon es Jeugprinsepaar 2019 same mèt ‘t Groet Prinsepaar alle bals in Amie bezeuke en zalle

mèt hunne sjlager “Blief in Amie” edereijn entamere veur de Amiese Karneval van 2019.

 

TITELATUUR JEUGPRINSEPAAR 2019

PRINS KYANO I

Gouvernäör van de Iepenhoven tot aan de van Sjliepesjtraot

Hertog van de voetbalvelde

Baron van ’t duuster nachvösje

Groetmeister van ‘t game

Insjpekteur Ginneraal van alle squishy's

PRINSES EVI

Gravin van de Karposthegge tot de Amiërheij

Groetmeisteres van alles wat dans en sjprink

Joonkvrów van d’n ove en ‘t kooksjtèl

Besjermingel van alle trommels en träöte

Hertogin van alle knoupelègkersj, sjpoorzeukers en doorzetters

MEER NIEUWS